СОҲИБКОРОНИ ЛАТВИЯ ВА ИТАЛИЯ ДАР ХАТЛОН

                 Қӯрғонтеппа, 6 июн. (АМИТ «Ховар», Мурод Сотиев). — Гурӯҳи соҳибкорони Латвия ва Италия ба шаҳри Қӯрғонтеппа ташриф оварданд. Зимни сафар гурӯҳи соҳибкоронро Сафири фавқулодда ва мухтори Латвия дар Тоҷикистон Игорс Апокинс ҳамроҳи кард.Дар Қӯрғонтеппа ҳайатро муовини раиси вилояти Хатлон Руҳулло Ҳакимов қабул намуд.Инчунин дар вохӯрӣ гурӯҳи тоҷирони маҳаллӣ ширкат варзиданд. Зимни сӯҳбат тарафҳо хоҳиши худро оиди ривоҷ додани ҳамкорӣ дар соҳаҳои мухталиф иброз намуданд.Меҳмонон зимни сӯҳбат оиди шароити мусоид барои парвариши маҳсулоти кишоварзӣ, хусусан пахтакорӣ ва лимӯ маълумот гирифта ҳавасмандии худро дар ин самт изҳор намуданд. Ҳамзамон оиди ҷалб кардани сармояҳо пешниҳодҳо карда шуданд.