«СОМОН-ЭЙР» БО ЧИПТАҲОИ ЭЛЕКТРОНӢ ФАЪОЛИЯТ МЕКУНАД

                Душанбе, 16 июн. (АМИТ «Ховар», Лаззат Диловарзод).-Ташкил шудани аввалин ширкати хусусии ҳавопаймоӣ дар Тоҷикистон мушкилоти мардумро осон кард. Ширкати хусусии «Сомон-эйр» яке аз аввалин ширкатҳои ҳавопаймоӣ дар Ҷумҳурии Тоҷикистон аст, ки кори мусофиркашониро дар асоси чиптаҳои электронӣ ба роҳ мемонад.                 Тибқи иттилои директори генералии ширкати хусусии «Сомон -эйр» Музаффар Исоқов, ширкат хизматрасониро ба мусофирон дар асоси талаботи байналмилалӣ тарҳрезӣ карданист.                 Ширкати хусусии «Сомон-эйр» дар давоми ду моҳи оянда, доираи хатсайрҳои худро васеъ намуда, ба Франкфурти болои Майн, Урумчӣ, ҳамчунин ба шаҳрҳои Красноярск, Тюмен, Сочӣ ва Оренбурги Федератсияи Россия хатҳои нави парвозро боз хоҳад кард.