ТОҶИКИСТОН БА БОВАРИИ САҲА САЗОВОР АСТ

                        Душанбе, 1 июн. (АМИТ «Ховар», Лаззат Диловарзод).- Кушодани коллеҷи олии сарҳадӣ дар Душанбе шаҳодат аз боварии ташкилотҳои байналмилалӣ ба Тоҷикистон аст.                        Дар рӯзи кушодашавии коллеҷи олии ҳарбӣ вазири корҳои хориҷии Ҷумҳурии Тоҷикистон Ҳамрохон Зарифӣ иброз дошт, ки барои ташкил ва фаъолияти ин коллеҷи олии ҳарбӣ барои давлатҳои бо САҲА ҳамкоридошта, дар муддати 7 сол 5 млн.евро масраф мегардад, ки аз он 2,3 млн. евро дар соли аввали фаъолияти коллеҷ ҷудо карда мешавад.                        Дар коллеҷи нави олӣ дар як сол 4 маротиба курсҳои думоҳа барои гурӯҳҳои роҳбарикунандаи сарҳадии бо САҲА ҳамкор, аз ҷумла давлати ҳамсоя-Ҷумҳурии Исломии Афғонистон гузаронида мешаванд. Дар курсҳо масъалаҳои мубориза бо терроризм,ҷиноятҳои муташаккили трансмилӣ ва муҳоҷирати ғайриқонунӣ мавриди таълиму омӯзиш қарор дода мешаванд. Дар коллеҷ ҳамчунин маркази таҳқиқот ва рушд ҷойгир карда мешавад.