ЗАРАРДИДАГОНИ ОФАТИ ТАБИӢ ТАЛОФИИ СУҒУРТАВӢ ГИРИФТАНД

                         Душанбе, 3 июн. (АМИТ «Ховар», Бекназари Абӯбакр). — Сокинони вилояти Суғд, ки дар натиҷаи рух додани ҳодисаҳои табиии моҳи май, аз қабили боришоти пайдарпайи борон, канда шудан ва лағжидани сангпораҳо хисороти калон дидаанд, аз Ширкати давлатии суғуртаи Тоҷикистон «Тоҷиксуғурта» талофии суғyртавӣ гирифтанд.                        Аз ШДСТ «Тоҷиксуғурта» ба АМИТ «Ховар» иттилоъ доданд, ки дар натиҷаи офати табиии моҳи май ба 251 хонаи истиқоматии шаҳри Панҷакент, ноҳияҳои Айнӣ ва Бобоҷон Fафуров зарари ҷиддӣ расид. Хонаҳое, ки ба суғуртаи ихтиёрӣ фаро гирифта шуда буданд, мувофиқи хисороти расида ба соҳибони онҳо маблағи суғуртавӣ ба андозаи 56 ҳазору 38 сомонӣ пардохт карда шуд. Бояд гуфт, ки агар ин xонаҳо ба маблағи калон ба суғурта фаро гирфта мешуданд, албатта маблағҳои талофии суғуртавӣ низ зиёдтар мешуд. Дар баробари ин, дар ноҳияи Айнӣ 80 сар чорвои калони шохдор, 730 сар бузу гусфанд талаф ёфтанд. Талофии суғуртавӣ ба миқдори 70 фоизи арзиши балансии чорво пардохт карда мешавад.                       Мавриди зикр аст, ки ба хоҷагиҳои деҳқонии пахтакоре, ки зироатҳои худро суғурта кардаанд маблағи суғуртавӣ дар охири сол пардохт карда хоҳад шуд.