ИНШООТИ ҶАШНӢ ДАР ШАҲР ЗИЁД МЕГАРДАД

                Душанбе, 6 июл. (АМИТ «Ховар», Лаззат Диловарзод).- Пойтахт маркази давлат аст, он бояд сол аз сол бошукӯҳу шаҳомат гардонида шавад,- иброз шуд ҳангоми гузоштани хишти аввали таҳкурсии маркази савдои «Сомониён», ки дар кӯчаи Рӯдакии пойтахт сохта мешавад.                Пудратчии маркази савдои «Сомониён» ҶММ «Ориён групп» буда, фармоишгари он ширкати ватании «Doll Mark LTD» мебошад. Ин иншоот дар арафаи ҷашни 20-солагии истиқлолияти Ҷумҳурии Тоҷикистон мавриди истифода қарор дода мешавад.                Бино ба иттилои котиби матбуотии раиси шаҳр Шавкат Саидов, шумораи ингуна иншооти ҷашнӣ, ки аз ҳисоби маблағҳои буҷаи шаҳр сохта мешаванд 44-торо дар бар мегиранд.