ҚАРЗДИҲИИ ХУРД ВА КОҲИШИ САТҲИ КАМБИЗОАТӢ

                 Душанбе, 28 август. (АМИТ «Ховар», Лаззат Диловарзод).- — Бо мусоидати Дафтари минтақавии Барномаи Рушди СММ дар як қатор ноҳияҳои вилояти Хатлон 3 фонди қарздиҳии хурд таъсис дода шудааст, — гуфт сарвари Дафтари минтакавии Барномаи Рушди СММ дар ноҳияи Шаҳритус Фазлиддин Самандаров.                  Калонтарин фонди қарзӣ «Вахшмикрофин» аст, ки маркази он дар шаҳри Қӯрғонтеппа ҷойгир аст.                   Ба қавли масъулини фонди мазкур, он аз 18 нуқтаи хизматрасонӣ иборат аст. Ин нуқтаҳои хизматрасонӣ дар навоҳии Қубодиён, Ҷиликӯл, Шаҳритус, Носири Хисрав, Бохтар, Вахш, Қумсангир, Панҷ ва шаҳри Сарбанд ҷойгир шудаанд, ки мардум аз хизмати ин нуқтаҳои фонди мазкур истифода мебаранд.                  Ҳоло шумораи мизоҷони ин фонд беш аз 1700 нафарро ташкил медиҳад. Андозаи миёнаи қарзи молиявии он 1400 сомонӣ мебошад. Фоизи солонаи он бошад аз 1,5 то 3 фоизро дар бар гирифта, маблағи умумии гардиши он дар ҳудуди 2 млн. сомонӣ мебошад.