ҚАЗОҚИСТОН ДАР СОХТМОНИ ИНШООТИ БАРҚИИ ТОҶИКИСТОН САҲМ МЕГУЗОРАД
Душанбе, 25 август. (АМИТ «Ховар», Наргис Бояхмедова). — Сафири Ҷумҳурии Қазоқистон дар Тоҷикистон Абӯтолиб Аҳмадов имрӯз бахшида ба Рӯзи Қонуни асосии мамлакаташ нишасти матбуотӣ ташкил намуд. Вай зикр кард, ки Қазоқистон тайёр аст дар сохтмони иншооти обу энергетикии Тоҷикистон ширкат варзад. Ёдовар мешавем, ки соли 2008 дар байни Тоҷикистону Қазоқистон фонди муштарак ташкил ёфта буд ва маблағи ибтидоии он сад миллион доллари ИМА — ро ташкил медод. 80 фоизи ин маблағро Қазоқистон ва 20 фоизи онро Тоҷикистон ҷудо карда буданд. Бо маблағи фонди мазкур дар қаламрави Тоҷикистон корхонаҳои муштараки гидроэнергетикӣ, истихроҷи маъдан ва кишоварзӣ сохта мешаванд. А.Аҳмадов роҷеъ ба ҳамкории ҳар ду кишвар сухан ронда, изҳор намуд, ки ҳаҷми хариду фурӯши мол дар байни Тоҷикистон Қазоқистон бо таъсири бӯҳрони молиявӣ кам шуд ва дар нимаи аввали соли равон ҳамагӣ 1,6 фоизро ташкил дод. Айни ҳол дар Тоҷикистон бо иштироки сармояи Қазоқистон 50 корхонаи муштарак фаъолият дорад. А.Аҳмадов зикр намуд, ки имсол ҳам теъдоди муайяни донишҷӯёни тоҷик ба мактабҳои олии Қазоқистон қабул карда мешаванд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
