ҲИММАТИ МАРДИ САХОВАТМАНД

                  Тавилдара, 28 август. (АМИТ «Ховар», Мирзо Ризвонов).- Солҳои зиёде хонандагони мактаби таҳсилоти миёнаи умумии №13 деҳаи Арганкули Ҷамоати деҳоти Сангвор аз нарасидани синфхонаҳо душворӣ мекашиданд. Бо ташаббус ва маблағгузории сокини деҳаи Арғанкул Карим Гирдаков дар назди таълимгоҳ се синфхонаи иловагӣ сохта шуда истодааст, ки маблағи умумии он 80 ҳазор сомониро ташкил медиҳад. сохтмони синфхонаҳои иловагӣ то 15 сентябри соли ҷорӣ ба анҷом мерасанд ва ин тӯҳфаи Карим Гирдаков бахшида ба 18 -солагии истиқлолияти кишвар мебошад.