5 ҲАЗОР ЕВРО БАРОИ ТАЪМИРИ МАКТАБ

                Бадахшон, 27 август. (АМИТ «Ховар», Л. Додо).- Мегӯянд, то кӯдак гиря накунад, модар ӯро шир намемаконад, яъне то наҷунбӣ чизе ба даст намеояд. Бинои дуюми мактаби миёнаи рақами 22-и деҳаи Манеми ноҳияи Шуғнон чанд сол боз дар ҳолати садамавӣ қарор дорад, аммо дунболи беҳбудии кор касе нашуд.               Ибтидои соли ҷорӣ устоди Донишгоҳи давлатии шаҳри Хоруғ Юсуфбек Шодмонбеков ба хотири таъмиру азнавсозии ин бино лоиҳаеро ба сафоратхонаи Олмон фиристонд. Дар арафаи соли нави таҳсил сафири Олмон дар Тоҷикистон Клаус Фляйшман аз ин мактаб дидан кард ва лоиҳаро маъқул донисту ваъда дод, ки 5 ҳазор евро кӯмак мерасонад.