АСПҲОИ ЗОТИИ БАДАХШОН КУҶО ШУДАНД?
Бадахшон, 21 август. (АМИТ «Ховар», Л. Додо).- Асппарварӣ дар Бадахшон асрҳо боз давом дорад. Дар давраи Шӯравӣ ягон тӯю ид бе пойгаву бузкашӣ намегузашт, аммо чаро, ки солҳои охир рушди ин соҳа коҳиш ёфт. Тибқи маълумоти Раёсати кишоварзӣ, сар то сари вилоят дар ҳамаи сохторҳои хоҷагидорӣ дар маҷмӯъ 369 сар асп боқӣ мондаасту халос. Қисмати зиёди аспҳо дар мавзеи Сағирдашти ноҳияи Дарвоз парвариш карда мешаванд. То оғози солҳои 90-уми асри гузашта агарчӣ дар Помири шарқӣ хоҷагии асппарварӣ вуҷуд надошт, аммо ҳамаи хоҷагиҳои давлатӣ ва коллективӣ дорои аспҳои корӣ буда, теъдоди онҳо аз 400 сар зиёд буд. Ҳоло мақомоти маҳаллии ҳокимияти давлатии ноҳияи Мурғоб ба афзудани саршумори асп эътибори ҷиддӣ медиҳад. Аз диди ҳукуматдорон зиёд намудани саршумори асп, дар ояндаи наздик доираи сайёҳии экологиро васеътар менамояд. Таҷриба нишон медиҳад, ки дар ноҳияи Мурғоб сайёҳони зиёди ватанӣ ва хориҷӣ шавқи аспсаворӣ ва сайр кардани даштҳои баландкӯҳи Помири шарқиро доранд.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
