АЗ БЕМОРИИ СӮХТАНӢ КАСЕ НАФАВТИДААСТ

                     Душанбе, 31 август. (АМИТ «Ховар», Лаззат Диловарзод).- РИА «Новости» дар оид ба фавти 10 нафар шаҳрвандони Тоҷикистон аз бемории сӯхтанӣ иттилоъ додааст.                     Муовини вазири тандурустӣ Аъзамҷон Мирзоев иттилои РИА «Новости» — ро дар бораи фавти одамон аз бемории сӯхтанӣ рад кард. онро як навъ истинод нисбати маълумот дар Вазорати тандурустӣ хонд.                     Ба гуфти ҳамин манбаъ, сар задани бемории сӯхтанӣ дар ҳамаи хоҷагиҳои ба чорводорӣ машғул аз эҳтимол дур нест. Соли гузашта 15 нафар гирифторони ин беморӣ дар ҷумҳурӣ ба қайд гирифта шуданд. Соли ҷорӣ ҳамагӣ 10 нафар мубталои ин беморӣ гардида бошанд ҳам, аммо касе бар асари он нафавтидааст.                     -Асосан он бемориҳое, ки ба қайд гирифта шудаанд, намуди пӯстии ин беморӣ мебошанд ва мубталоёни он дар давоми 10 — 15 рӯз пурра шифо меёбанд, — гуфт ба мухбири АМИТ «Ховар» муовини вазир Аъзамҷон Мирзоев. Аз чӣ бошад, ки рӯзноманигорони Русия аз рӯи ғараз нисбати фаъолияти Вазорати тандурустӣ ба истинод хабарҳо пахш менамоянд, — афзуд А. Мирзоев.