«БАҲОРИ АҶАМ» МЕХОҲАД САБАБҲОИ ХУДКУШИРО МУАЙЯН СОЗАД

                Душанбе, 4 июл. (АМИТ «Ховар», Лутфия Эшонқулова).- Бо ташаббуси нашрияи «Баҳори аҷам»-и Вазорати фарҳанги Ҷумҳурии Тоҷикистон 11-уми августи соли равон дар Китобхонаи миллии ба номи А. Фирдавсӣ мизи мудаввар дар мавзўи «Худкушӣ» ё «Зуҳуроти номатлуби ҷомеа ва роҳҳои пешгирӣ намудани он»баргузор мегардад.                 Барои иштирок намудан дар кори мизи гирд намояндагони Прокуратураи генералӣ, Вазорати тандурустӣ, Вазорати меҳнат ва шуғли аҳолӣ, Иттифоқи нависандагон, Кумитаи кор бо ҷавонон, варзиш ва сайёҳӣ, Кумитаи кор бо занон ва оила, Донишгоҳи исломӣ ва оилаҳои намунавӣ даъват шудаанд.                Дар маркази матбуоти Вазорати фарҳанг ба мухбири АМИТ «Ховар» хабар доданд, ки вақтҳои охир шумораи нафарони даст ба худкушизада зиёд шуда истодааст ва мақсад аз баргузории мизи мудаввар дақиқ кардани сабабҳои худкушӣ ва роҳҳои пешгирӣ кардани он мебошад.