БУНЁДИ 46901 ГЕКТАР БОҒ ТО СОЛИ 1014

                  Душанбе, 31 август. (АМИТ «Ховар», Бекназари Абӯбакр). — Бо Фармони Президенти Ҷумҳурии Тоҷикистон Эмомалӣ Раҳмон аз 27 августи соли ҷорӣ нақшаи бунёди боғу токзорҳо дар қаламрави кишвар барои солҳои 2010-1014 тасдиқ гардид. Тибқи нақшаи мазкур дар давоми 5 сол дар ВМКБ 177 гектар боғ бунёд карда мешавад, ки аз он 141,7 гектарашро зардолузор ташкил медиҳад.                   Инчунин, дар вилояти Суғд дар давоми 5 соли муқарраргардида 20 ҳазор гектар боғ, аз ҷумла 10 ҳазору 553 гектар зардолузор ва 1 ҳазору 685 гектар токзор бунёд карда хоҳад шуд. Дар вилояти Хатлон 22 ҳазору 700 гектар боғ бунёд мегардад, ки аз он 5 ҳазору 660 гектар зардолузор ва 2 ҳазору 266 гектар токзор мебошад. Дар ноҳияҳои тобеи марказ боршад, бунёди 4024,3 гектар боғ ба нақша гирифта шудааст, ки аз ин шумора 359 гектар зардолузор ва 1 ҳазору 65 гектар токзор мебошад.                   Гуфтанист, ки дар давоми солҳои 2010-2014 дар ҳудуди ҷумҳурӣ 46 ҳазору 901 гектар боғ, аз ҷумла 16 ҳазору 714 гектар зардолузор ва 5 ҳазору 15 гектар токзор бунёд хоҳад гашт.