ДАР ЭРОН БОРИ АВВАЛ ЗАНОН ВАЗИР ТАЪИН КАРДА МЕШАВАНД

                       Теҳрон, 17 август. (АМИТ «Ховар» — РБК. ру). — Президенти Эрон Маҳмуд Аҳмадинажод зимни муроҷиаташ ба мардуми кишвар ба воситаи телевизион изҳор намуд, ки ояндаи наздик якбора се нафар зан дар ҳайати Ҳукумати мамлакат соҳиби вазифаҳои баланд хоҳанд гашт. Президент зикр намуд, ки Марзия Воҳид Дастгардӣ вазири тандурустӣ ва Фотима Айорлу вазири ҳифзи иҷтимоӣ таъин карда мешаванд. М.Аҳмадинажод номи зани сеюмро, ки бояд вазир таъин гардад, зикр накард.                        Ин баъди соли 1979 дар Эрон бори аввал аст, ки занон ба вазифаҳои баланд таъин мегарданд.                       Бояд гуфт, ки роҳбари расмии давлати Эрон на президент, балки сарфармондеҳи олии қувваҳои мусаллаҳ ва роҳбари разведкаи низомӣ мебошад.                       Вай одамонро ба вазифаҳои олии давлатӣ, аз ҷумла, раисони судҳо, роҳбарони политсия, қумондонони ҳамаи навъҳои артиш ва шаш нафар узви Шӯрои ҳомиёни инқилоби исломиро таъин менамояд. Роҳбари олии давлатро Анҷумани коршиносон интихоб мекунад.                        Роҳбари олии имрӯзаи Эрон Оятулло Саид Алии Ҳоменеӣ аст.                                                                                                       Тарҷумон — Қудратов А.