ДОНИШҶӮЁНИ ТОҶИК БАРОИ ТАҲСИЛ БА РУСИЯ РАФТАНД

               Душанбе, 27 август. (АМИТ «Ховар», Лутфия Эшонқулова).- Дирўз, 26 август 8 нафар донишҷўёни тоҷик тибқи квотаи Вазорати фарҳанги Ҷумҳурии Тоҷикистон ба макотиби олии ҳунарии Федератсияи Русия равона карда шуданд.                 Аз ҷумла, 5 нафар ба Донишгоҳи давлатии санъат ва фарҳанги шаҳри Маскав, 3 нафар ба Донишгоҳи ҳунарӣ-бадеии шаҳри Маскав, 1 нафар ба Донишгоҳи давлатии санъат ва фарҳанги шаҳри Санкт-Петербург, 2-нафар ба Донишкадаи умумирусиягии киноматографияи шаҳри Маскав барои таҳсил рафтанд.               Тибқи иттилои мудири шўъбаи илм ва робитаҳои таълимии Вазорати фарҳанг Хуршед Низомов боз 5 нафари дигар 28- август ба Академияи фарҳанг ва санъати ш. Челябинск, 31 август 3 нафар ба Консерваторияи давлатии Урал ва 7 сентябр 3 нафар ба аспирантураи Академияи фарҳанг ва санъати ш. Челябинск фиристода мешаванд. Қайд кардан ба маврид аст, ки онҳо дар макотиби олии номбурда равияҳои санъат- режиссёри театр, кино, овозхони академӣ, иҷрокунандагӣ, балет, туризм, ҳунарҳои бадеӣ ва рассомиро меомўзанд.               Дар ин бора ба мухбири АМИТ «Ховар» аз маркази матбуоти Вазорати фарҳанги ҷумҳурӣ хабар доданд.