КӮМАКИ ҶОПОН БА ТОҶИКИСТОН
Душанбе, 26 август. (АМИТ «Ховар», Наргис Бояхмедова).- Сохтмони лоиҳаи канал дар қишлоқи Чилдараи ҷамоати Чилдараи ноҳияи Тавилдара ва сохтмони шабакаи обтаъминкунии қишлоқи Шаҳринави ноҳияи Тавилдара ба итмом расид. Ин ду лоиҳа дар доираи бевоситаи кӯмаки Ҳукумати Ҷопон ба маблағи 160 ҳазору 152 доллари ИМА сохта шуд. Аз Сафоратхонаи Ҷопон дар Тоҷикистон ба АМИТ «Ховар» хабар доданд, ки 26 август маросими ба истифода додани канал ва шабакаи обрасонӣ дар ҷамоати Чилдара ва қишлоқи Шаҳринави ноҳияи Тавилдара баргузор гардид. Дар маросими тантанавӣ Раиси Ҳукумати ноҳияи Тавилдара Ҳимматшо Ғайратов ва Намояндаи муваққатии ваколатдори Ҷопон дар Ҷумҳурии Тоҷикистон Йошихиро Накаяма иштирок карданд. Ёдовар мешавем, ки аз соли 1996 дар доираи кӯмаки бебозгашт барои табақаи васеъи аҳолӣ, Ҳукумати Ҷопон барои иҷрои 231 барномаи сохтмони иншоотҳои гуногун дар Тоҷикистон 15,2 миллион доллари ИМА ҷудо кардааст.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
