МАВОДИ ҒИЗОӢ ҚИМАТ АСТ

                Бадахшон, 27 август. (АМИТ «Ховар», Л. Додо).- Гарчанде имрӯз дар бозорҳои вилоят камчинии маҳсулоти хоҷагии қишлоқ эҳсос намегардад, аммо нархи он ҳамоно баланд аст. Ба қавли тоҷирон сабаби қиматии нархи маҳсулоти кишоварзӣ дар он аст, ки қисмати бештари он аз навоҳии дигари ҷумҳурӣ вориди бозор мегардад. Воридшавии маҳсулоти кишоварзӣ аз хоҷагиҳои деҳқонии вилоят ночиз аст.                Коршиносон бар он ақидаанд, ки маҳсулоти кишоварзони вилоят то ҳадде вориди бозорҳои Бадахшон мегардад, аммо яке аз сабабҳои асосии баланд будани нархи маҳсулоти кишоварзӣ дар он аст, ки дар бозорҳо теъдоди зиёди миёнаравон фаъолият доранд. Онҳо дар бозорҳо ҷойҳои беҳтаринро ишғол намуда, маҳсулотро аз деҳқонон бо нархи арзон харидорӣ намуда, ба он нархи иловагии дандоншиканро зам карда, мегӯянд, ки ин маҳсулотро аз вилояти Хатлон овардаанд.