НАМОИШИ ФИЛМИ ТОҶИК ДАР МАСКАВ
Душанбе, 26 август. (АМИТ «Ховар», Таҳмина Ғоибназарова).- Филми коргардони тоҷик Раҷабалӣ Пиров бо номи «Зиндагӣ» ба барномаи филмҳои ҷашнвораи 7-уми Маскав дохил шуд, ки аз 27 август то 6 сентябр дар шаҳри Маскав баргузор мегардад. Сокинони Маскав ба туфайли ҷашнвораи мазкур имконият пайдо мекунанд, ки филмҳои навтарини мамлакатҳои собиқи Шӯравиро тамошо кунанд. Солҳои охир дар ҷашнвораи филмҳои мазкур теъдоди бештари мамлакатҳо ширкат меварзанд. Дар ин бобат хизмати Конфедератсияи Иттифоқҳои киносозони мамлакатҳои ИДМ хеле калон аст. Бо ташаббуси Конфедератсияи мазкур ҳамкории киностудияҳои мамлакатҳои ИДМ вусъат меёбад. Дар ҷашнвораи имсола қисми зиёди мамлакатҳои ИДМ ва Балтика иштирок хоҳанд кард.Раҷабалӣ Пиров дар байни тамошобинони тоҷик бо филми телевизионии «Вақте болои шаҳр борон меборид» шӯҳрат пайдо кардааст. Филми «Зиндагӣ» мазмуну мундариҷа ва оҳанги миллӣ дорад. Дар он анъанаҳои миллӣ, аз ҷумла маросими тӯй, маросими дафн ва ҷараёни тайёр намудани асбобҳои мусиқӣ, инчунин асбобу анҷоми рӯзгор намоиш дода мешаванд.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
