РОҲБАРИ НАТО БА АФҒОНИСТОН РАФТ
Кобул, 6 август. (АМИТ «Ховар» — Лента.ру). — Агентии иттилоотии Франс Пресс хабар медиҳад, ки роҳбари нави НАТО Андерс Фог Расмуссен ғайричашмдошт ба Афғонистон сафар кард. Вай ният дорад, ки зимни сафар бо президенти ин мамлакат Ҳомид Карзай ва фармондеҳони қисмҳои ҳарбии хориҷӣ мулоқот кунад. Роҳбари НАТО дар давоми сафар ба натиҷаҳои бадастовардаи низомиёни хориҷӣ дар мубориза ба муқобили силоҳбадастони ҷунбиши «Толибон» ва созмони террористии «Алқаёда» баҳо хоҳад дод. Тавре хабар дода шуда буд, Расмуссен зимни шурӯъ карданаш ба иҷрои вазифаи роҳбари НАТО изҳор карда буд, ки яке аз вазифаҳои асосии созмон ҳалли проблемаҳои Афғонистон мебошад. Вай таъкид кард, ки НАТО Афғонистонро тӯли солҳои наздик тарк нахоҳад кард. Қайд карда шуд, ки вазифаи наздиктарини қувваҳои НАТО дар Афғонистон таъмини бехатарии гузаронидани интихоботи Президенти мамлакат мебошад.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
