СӮИҚАСД БАРОР НАГИРИФТ

                      Арриёз, 28 август. (АМИТ «Ховар» — Лента.ру). — Агентии иттилоотии Ассошиэйтед Пресс хабар медиҳад, ки чанд рӯз пеш дар ин ҷо ба ҷони валиаҳди Арабистони Саудӣ Муҳаммад бини Найёф сӯиқасд карда шуд.                      Як нафар террористи фидоӣ номи худро дар қабулгоҳи валиаҳд навишта, ният дошт, ки ӯро ба муносибати оғози моҳи Рамазон табрик намояд. Тибқи хабарҳои расида, террористи фидоӣ зимни наздик шуданаш ба валиаҳд моддаи таркандаро ба кор даровард, Валиаҳд дар натиҷаи таркиш танҳо сабук маҷрӯҳ шуду халос.                     Воситаҳои ахбори оммавӣ ин амалиётро ба мавқеи ҷиддии валиаҳд нисбати силоҳбадастон вобаста медонанд. Валиаҳди Арабистони Саудӣ ёвари вазири корҳои дохилӣ буда, ба ҳалли масъалаҳои мубориза ба муқобили терроризм машғул мебошад.                                                                                   Тарҷумон — Қудратов А.