СЕМИНАРИ ЗАНБӮРПАРВАРОН ДАР ТАВИЛДАРА

                   Тавилдара, 4 август. (АМИТ «Ховар», Людмила Дубинина). — Бо ташаббуси Корхонаи воҳиди давлатии «Асали Тоҷикистон» 2 август дар ноҳияи Тавилдара семинари нахустини занбӯрпарварони ҷумҳурӣ баргузор гардид. Семинар дар доираи дастурҳои Сарвари давлат гузаронида шуд, ки соли 2008 ба ин ҷо ташриф оварда буд. Сардори давлат ҳамон вақт тавсия дода буд, ки мутахассисони ҷавон ва занбӯрпарварони ҳаваскор ба ин соҳаи муҳим бештар ҷалб карда шаванд.                   Дар семинар роҳбарону намояндагони вазорати кишоварзӣ, раиси ноҳияи Тавилдара Ҳимматшо Ғайратов ва мутахассисон ширкат варзиданд.                  Дар ҷараёни семинар занбӯрпаварони пуртаҷрибаи вилоятҳои Суғд ва Хатлон аз таҷрибаи кори худ дар соҳа ба занбӯрпарварони маҳаллӣ маълумот доданд. Олимони соҳаи чорводорӣ ба иштирокчиёни семинар тавсияҳои муфид пешниҳод намуданд.                  Директори корхонаи воҳиди давлатии «Асали Тоҷикистон» Музаффархон Ҳалимов ба мухбири АМИТ «Ховар» гуфт, ки бо қарори Ҳукумат барои пешрафти соҳаи зандӯрпарварӣ 4 миллион гектар алафзор ҷудо карда шудааст. Ин барои парвариши миқдори зиёди оилаҳои занбӯри асал ва бо ин ғизои муфид таъмин намудани аҳолии мамлакат комилан кифоя мебошад, гуфт вай.