ТАҶЛИЛИ 60 — СОЛАГИИ КУМИТАИ ҲИФЗИ СУЛҲИ ШӮРАВӢ

               Маскав, 27 август. (АМИТ «Ховар» — ОРГ.ру). — Расо 60 сол пеш, 27 августи соли 1949 дар Маскав маҷлиси нахустини Кумитаи ҳифзи сулҳи Иттиҳоди Шӯравӣ баргузор гардида буд. Ҳамон вақт инчунин Конфронси умумииттифоқии тарафдорони сулҳ баргузор гардид, ки дар он 1200 нафар меҳмонон ва вакилон — намояндагони тарафдорони сулҳи 14 мамлакат ҳузур доштанд.               Рассоми машҳур Пабло Пикассо ба муносибати Анҷумани нахустини ҷаҳонии тарафдорони сулҳ нишони рамзии онро тайёр намуд. Нишони рамзии Анҷумани ҷаҳонии тарафдорони сулҳ кабӯтари сафеди дар нӯлаш шохчаи дарахти зайтундошта буд. Ин рамзи сидқу сафо, тозагӣ ва софдилии халқҳои ҷаҳон мебошад.               Моҳи марти соли 1950 дар Стокголм анҷумани ҷаҳони тарафдорони сулҳ баргузор гардид. Дар он муроҷиатнома дар бораи манъи аслиҳаи атомӣ ва истифодаи он қабул гардид. Дар зери муроҷиатномаи мазкур бештар аз 115 миллион сокини ИҶШС имзо кард.              Дар давраи бозсозии Горбачёв дар Кумитаи ҳифзи сулҳи ИҶШС гурӯҳҳо ва шӯъбаҳои гуногун ташкил карда шуданд. Соли 1992 Кумитаи Шӯравии ҳифзи сулҳ ба Федератсияи сулҳу созгорӣ табдил ёфт.