ТАЛОҚ АЗ РӮИ КАММАЪРИФАТИСТ Ё АЗ ҲАМДИГАРНОФАҲМӢ?

                   Душанбе, 31 август. (АМИТ «Ховар», Лаззат Диловарзод).- Бино ба маълумоти расмии оморӣ шумораи талоқҳои ба қайд гирифташуда дар моҳҳои январ — июли соли ҷорӣ 2875 воҳидро ташкил дода аст, ки нисбат ба ҳамин давраи соли 2008 — 8,5 фоиз зиёд аст.                  Коэффитсиенти умумии талоқ дар моҳҳои январ — июли соли 2009 ба ҳар 1000 нафар аҳолӣ 0,8 воҳид рост омадааст. Афзоиши шумораи ба қайд гирифташудаи талоқ дар ҳамаи минтақаҳои ҷумҳурӣ ба назар мерасад. Шумораи умумии талоқшудагон дар ноҳияҳои тобеи ҷумҳурӣ нисбат ба дигар минтақаҳои кишвар хеле зиёд — 15,9 фоиз, Хатлон — 8,9, Суғд — 6,9, Душанбе — 4,5, ВМКБ — 2,1 баробар афзудааст.                   Бино ба гуфти кормандони сабти асноди ҳолати шаҳрвандӣ, асосан талоқ дар каммаърифатӣ ва ҳамдигарнофаҳмии ҳамсарон ба амал меояд, ки он бояд пешгирӣ шавад.