«ВАВИЛОН-МОБАЙЛ» БА МУШТАРИЁНАШ МОШИН МЕДИҲАД

                   Душанбе, 25 август. (АМИТ «Ховар», Бекназари Абӯбакр). — Муштарии як миллиону дусадҳазорумини Ширкати «Babilon-mobile» соҳиби автомашинаи ВАЗ 2107 гардид.                    Роҳбари маркази матбуоти Ширкати «Babilon-mobile» Муҳиба Холиқназарова ба мухбири АМИТ «Ховар» иттилоъ дод, ки ин муштарӣ сокини деҳаи Кеврони ноҳияи Дарвоз Давлатшо Мирзоев мебошад, ки бо харидорӣ намудани симкартаи 1 миллиону дусадҳазорумини Ширкати «Babilon-mobile» соҳиби ҷоиза гардид. Ҳамзамон, аз ҷониби ширкат ба Д. Мирзоев 1 миллиону дусад ҳазор дақиқаи ройгон дар ҳудуди ҷумҳурӣ дода шуд.                    Ёдовар мешавем, ки ҶДММ «Вавилон-М» яке аз калонтарин ширкатҳои оператори алоқаи миллӣ дар Тоҷикистон буда, аз моҳи феврали соли 2000 инҷониб дар Тоҷикистон фаъолият дорад.