ЗАРБА БА ХОНАИ ЯКЕ АЗ РОҲБАРОНИ ТОЛИБОН

                   Исломобод, 6 август. (АМИТ «Ховар» — РБК.ру). — Ҳавопаймоҳои низомии амрикоӣ шабонарӯзи гузашта дар қисмати шимолу шарқии Покистон деҳаеро бомбаророн карданд, ки хонаи яке аз роҳбарони ҷунбиши «Толибон» Байтулло Мақсуд дар ҳамон ҷо воқеъ буд. Дар натиҷаи зарбаи ҳавоӣ ду нафар ҳалок гардид, ки яке аз онҳо ҳамсари Б.Мақсуд мебошад.                    Байтулло Мақсуд яке аз террористони машҳури ҷаҳон ба шумор меравад. Ӯро ба ташкили силсилаи амалиёти террористӣ дар қаламрави мамлакатҳои Покистону Ҳиндустон ва Афғонистон гунаҳкор менамоянд. Аз ҷумла, тахмин карда мешавад, ки маҳз Байтулло Мақсуд яке аз ташкилкунандаголни амали террористӣ ба муқобили сарвазири собиқи Покистон Беназир Бҳутто мебошад. Тавре ки маълум аст Б.Бҳутто дар натиҷаи амалиёти мазкур ҳалок гашта буд.                                                                                                             Тарҷумон — Қудратов А.