ҚАРЗИ ГАЗ 1 800 000-СОМОНӢ

                  Қӯрғонтеппа, 25 сентябр. (АМИТ «Ховар», Мурод Сотиев).-Газ имрӯзҳо ба хонаҳои сонинони шаҳри Қӯрғонтеппа дар соатҳои муайян дода мешавад. Дар ин бора муовини директори корхонаи «Қӯрғонтеппагаз» Маҳмудҷон Хоркашев ба АМИТ «Ховар» хабар дод.                  Айни ҳол дар хонаҳои шаҳри Қӯрғонтеппа газ 2 соат саҳар ва рӯзона, бегоҳ бошад аз соати 17.00 то 21.00 дода мешавад, қайд намуд М. Хоркашев. Нархи газ мисли пештара буда, дар фасли тирамоҳу зимистон баланд намешавад. Сокинони махаллӣ барои истифодаи 1 метри мукааб гази табиӣ 49,5 дирам мепардозанд. Дар мавриди набудани ҳисобкунакҳои газ аз ҳар сари аъзои оила 7 сомонию 92 дирам гирифта мешавад.Ба қавли М. Хоркашев қарзи умумии газ аз аҳолии вилоят дар таи 10 соли охир қариб 1 миллиону 800 ҳазор сомониро ташкил медиҳад.