ҲАМКОРӢ ДАР СОҲАИ ҲИФЗИ МАЪЛУМОТИ МАХФӢ

                Душанбе, 7 сентябр. (АМИТ «Ховар», Наргис Бояхмедова). — Рӯзҳои 8 ва 10 сентябр дар шаҳри Минск маҷлиси навбатии гурӯҳи коршиносони ИДМ баргузор мегардад. Дар он лоиҳаи созишномаи ҳифзи маълумоти махфӣ ва қоидаҳои ба ҳамдигар додани маълумоти махфӣ дар мақомоти ИДМ такмил дода ва мувофиқа карда мешаванд.               Ҳадафи созишнома таъмини муҳофизати маълумоти махфӣ дар мамлакатҳои ИДМ ва маълумоти марбут ба ҳамкорӣ дар доираи ИДМ додашавандаю гирифташаванда мебошад.                Дар лоиҳаи қоидаҳо талабот ба шахсони ваколатдор, ки бо маълумоти махфӣ сару кор доранд, вазифаҳои онҳо, тартиби ба даст овардан, муайян намудани дараҷаи махфӣ будани маълумот, қоидаҳои нигоҳ доштан, таҳти назорат қарор додан ва ба ҳамдигар додани маълумоти махфӣ муқаррар карда шудаанд.                Мухбири АМИТ «Ховар» ха+бар медиҳад, ки дар маҷлис намояндагони Арманистон, Белорусия, Қазоқистон, Қирғизистон, Молдавия, Русия, Тоҷикистон ва Ӯзбекистон иштирок менамоянд.