БАРРАСИИ НАҚШАҲОИ СТРАТЕГИИ РУШДИ ТОҶИКИСТОН

                Душанбе, 22 сентябр. (АМИТ «Ховар», Покиза Маҳмадбекова). – Дар ҷараёни мулоқоти роҳбарону намояндагони вазорату идораҳои иқтисодии Ҳукумати Ҷумҳурии Тоҷикистон бо намояндагони Бонки ҷаҳонӣ, аз ҷумла, мудири иҷроияи Бонки ҷаҳонӣ дар Осиёи Марказӣ Моту Кониши, намояндаи доимии Бонки ҷаҳонӣ дар Тоҷикистон Кёр Бронка, иқтисодшиноси калони Бонки ҷаҳонӣ дар ҷумҳурии Тоҷикистон Судоршон Канагараҷа ва ҳамоҳангсози корпоратсияи байналхалқии молиявӣ Ванди Вернер нақшаҳои стратегии рушди Тоҷикистон дар давраи молиявии аз соли 2010 то соли 2013 муҳокима карда шуданд.                    Аз Тоҷикистон дар ин мулоқот мушовири давлатии Президенти ҷумҳурӣ Матлубхон Давлатов, вазири молия Сафаралӣ Наҷмиддинов, Мушовири калони Президент Н.Бӯриев, раиси Бонки миллӣ Шариф Раҳимзода ва муовини вазири молия Ҷамолиддин Нуралиев иштирок доштанд.