Чаро мавлуди Ҷ. Рӯмӣ ду бор таҷлил мешавад?

Имрӯз дар шаҳри Душанбе 802 солагии зодрӯзи мутаффакир ва шоири тоҷику форс Ҷалолиддини Рӯмӣ ҷашн гирифта мешавад.Тавре ки садри раёсати санъати Вазорати фарҳанги Ҷумҳурии Тоҷикистон Гулмурод Малиев ба АМИТ «Ховар» иттилоъ дод, бахшида ба ҷашни мазкур дар пойтахти кишварамон як қатор чорабиниҳо гузаронида мешаванд. Аз ҷумла театри русӣ-драмавии ба номи В.Маяковский намоишномаи «Муҳаббати қалам»-и Баҳодур Миралибеков ва театри давлатии академӣ-драмавии ба номи устод Лоҳутӣ намоишномаи «Офати нафс»-и таҳиягар Нуриддин Ҷарониро барои дӯстдорони санъати театрӣ пешкаш мекунанд. Ҳамчунин дастаи ҳунарии филармонияи давлатии Тоҷикистон консерти «Газалиёти Рӯмӣ» ва ансамбли «Сомон» барномаи театрикунонидашударо омода карданд. Ҷашни мавлуди Ҷалолиддини Рӯмӣ ҳар сол 30 сентябр дар Тоҷикистон ва 17 декабр дар шаҳри Кунияи Ҷумҳурии Туркия таҷлил мешавад.