«ХУҶАНД» ВА «ВАХШ» ДАР САФИ ПЕШИ МУСОБИҚА

                 Душанбе, 22 сентябр. (АМИТ «Ховар», Пайрав Назаров). – Дар ҷадвали мусобиқаи дастаҳои футболи лигаи олии мамлакат дастаҳои «Хуҷанд» — и шаҳри Хуҷанд ва «Вахш» — и шаҳри Қӯрғонтеппа пешсаф мебошанд.                 Дар даври 12 – уми мусобиқа дастаи «Хуҷанд» меҳмони дастаи футболи «Гвардия» гардида, онро бо ҳисоби 3:0 мағлуб кард. Дастаи «Вахш» низ дар майдони худ зимни қувваозмоӣ бо дастаи ЦСКА «Помир» бо ҳисоби калони 5:1 ғолиб омад.                   Дастаи футболи «Энергетик» дастаи «Равшан» — ро бо ҳисоби 3:1 мағлуб кард.                    Дастаҳои «Парвоз» ва «Спитамен» ба қувваозмоӣ бо дастаҳои «Истиқлол» ва «Регар – Тадаз» ҳозир нашуданд. Бинобар ин бозиҳои мазкур ба фоидаи дастаҳои «Истиқлол» ва «Регар – Тадаз» ҳисоб карда шуданд.                    Мухбири АМИТ «Ховар» зикр мекунад, ки дастаи футболи «Парвоз» — и ноҳияи Б.Ғафуров мисли дастаи «Спитамен» бо сабаби мушкилоти молиявӣ дар қувваозмоиҳо иштирок намекунад.