ИДИ КИТОБ

               Душанбе, 4 сентябр. (АМИТ «Ховар», Таҳмина Ғоибназарова).- Имрӯз 4 сентябр дар ҷумҳурӣ Рӯзи миллии китоб ҷашн гирифта мешавад. Тадбирҳои асосии идона дар китобхонаи миллии ба номи А. Фирдавсӣ баргузор мегардад.               Аз ҷумла дар ин ҷо дар мавзӯи «Нақши китоб дар рушди истиқлолияти миллӣ ва фарҳанг» конфронси илмӣ-амалӣ гузаронида мешавад. Дар он мутахассисони соҳаи китобдорӣ, олимон, тадқиқотчиён ва донишҷӯёни мактабҳои олии ҷумҳурӣ иштирок мекунанд. Конфронси мазкур ба ҷашни 18 солагии истиқлолияти Тоҷикистон бахшида мешавад. Инчунин дар китобхона намоиши китобҳое, ки дар давоми 18 соли истиқлолият чоп шудаанд, ташкил карда мешавад.               Ин идро мо 2 сол боз ҷашн мегирем. Аз он рӯзе, ки Президенти ҷумҳурӣ хишти аввалро дар бинои нави китобхонаи миллӣ гузошт мо ин идро иди касбии китобдорони мамлакат мешуморем, қайд намуд директори китобхона Шариф Тошев.