КӮДАКОНИ МАЪЮБ БА ТАЪЛИМ ФАРО ГИРИФТА НАМЕШАВАНД

                   Душанбе, 28 сентябр. (АМИТ «Ховар», Лаззат Диловарзод).-Бино ба гуфти мутахассиси Вазорати меҳнат ва ҳифзи иҷтимоии аҳолӣ Соима Муҳаббатова, айни ҳол дар Ҷумҳурии Тоҷикистон зиёда аз 19 ҳазор кӯдакони то 16 солаи имконияташон маҳдуд ба қайд гирифта шудааст.                      Раиси иттиҳоди миллии маъюбон Эсанбой Воҳидов, ба дуруст будани ин маълумот бо шӯбҳа менигарад. Бино ба гуфти ӯ мувофиқи конвенсияи қабулшудаи байналхалқӣ дар тамоми олам ҳар даҳум одам ба ягон навъи маъюбӣ гирифтор аст.                   Раиси фонди кӯдакони «Эҳё» Ҷамол Худододов, сабаби набудани маълумоти дақиқро дар он мебинад, ки нишондодҳои расмӣ ба шахсоне, ки аз рӯи маъюбӣ кӯмакпулӣ мегиранд, такя мекунанд. Бинобар ин аз рӯи ҳисоби оморӣ на ҳамаи кӯдакон аз қайди мактаб мегузаранд ё ба мактаб фаро гирифта мешаванд.                  Дар ноҳияи Восеъ мактаб барои кӯдакони ноқисулақл вуҷуд дорад, аммо барои кӯдакони нобино ва ношунаво мактаб вуҷуд надорад,(ба истиснои мактаби ношунавоёни ноҳияи Рӯдакӣ), ки бояд ҳуқуқи ба таълим фаро гирифтани онҳо риоя карда шавад.