МАҶЛИСИ ШӮРОИ РОҲБАРОНИ МАҚОМОТИ НАЗОРАТИ МОЛИЯВИИ ДАВЛАТҲОИ ИДМ

                  Душанбе, 30 сентябр. (АМИТ «Ховар», Ибодат Давлатова ). — Имрӯз дар Душанбе маҷлиси нуҳӯми Шӯрои роҳбарони мақомоти олии назорати молиявии давлатҳои ИДМ кушода шуд. Дар он намояндагон ва роҳбарони мақомоти назорати молиявии Арманистон, Русия, Украина, Қирғизистон, Белорусия, Қазоқистон ва Тоҷикистон иштирок менамояд.                   Маҷлисро директори Агентии назорати давлатии молиявӣ ва мубориза ба муқобили ришвахӯрии Ҷумҳурии Тоҷикистон Фаттоҳ Саидов кушод.                  Иштирокчиёни маҷлис нақши мақомоти олии назорати молиявии давлатҳои ИДМ – ро дар бартараф сохтани оқибатҳои бӯҳрони ҷаҳонии молиявӣ ва иқтисодӣ муҳокима мекунанд. Дар он намояндагони                     Дастгоҳи иҷроияи Президенти Ҷумҳурии Тоҷикистон, парлумони мамлакат, Ҳукумат ва олимон сухан карданд. Ҳамаи онҳо аҳамият ва зарурати тақвияти нақши мақомоти олии назорати молиявиро дар таҳлилу баррасии вазъи иҷтимоию иқтисодӣ ва тадбирҳои марбут ба бартараф созхтани оқибатҳои бӯҳрон дар мамлакатҳои ИДМ таъкид намуданд.                  Хабар дода мешавад, ки раёсати Шӯрои роҳбарони мақомоти олии назорати молиявии давлатҳои ИДМ дар давраи навбатӣ ба зиммаи Ҷумҳурии Тоҷикистон гузошта мешавад.