МУҲОКИМАИ ПРОБЛЕМАИ ТАҒЙИР ЁФТАНИ ИҚЛИМ ДАР НЮ – ЙОРК

                  Ню – Йорк, 22 сентябр. (АМИТ «Ховар», Фарангис Раҳимова). – Президенти Ҷумҳурии Ттоҷикистон Эмомалӣ Раҳмон дар мулоқоти роҳбарону намояндагони мамлакатҳои ҷаҳон бахшида ба проблемаи тағйир ёфтани иқлим иштирок менамояд, ки имрӯз дар қароргоҳи марказии СММ дар Ню – Йорк кушода мешавад.                  Мудоқоти мазкур бо ташаббуси Муншии умумии СММ Пан Ги Мун даъват карда шудааст.                  Ҳадафи мулоқот сафарбар намудани ҷидду ҷаҳди тамоми мамлакатҳои ҷаҳон барои таҳияи ҳуҷҷати ниҳоии конфронси СММ бахшида ба проблемаи тағйир ёфтани иқлим мебошад.                   Дар мулоқот проблемаҳои марбут ба тағйир ёфтани иқлим муҳокима карда, мавқеи мамлакатҳои гуногун ба инобат гирифта, принсипҳои асосии ҳалли онҳо муқаррар хоҳад шуд. Дар фарҷоми мулоқот изҳороти хотимавӣ имзо карда мешавад.                   Дар ҷараёни мулоқот мизҳои мудаввар ташкил карда хоҳанд шуд. Роҳбари ҳар давлат дар яке аз мизҳои мудаввар ширкат варзида, мавқеи худро оид ба ин ё он проблема иброз медорад.