ОМӮЗГОРИ ТОҶИК – БАРАНДАИ ҶОИЗАИ ОЗМУНИ «ИСТЕЪДОДҲОИ ҶАВОНИ ИДМ»
Маскав, 25 сентябр. (АМИТ «Ховар», Ҳалима Хушқадамова). – Дар доираи мулоқоти чоруми олимон ва эҷодкорони ҷавони мамлакатҳои ИДМ маросими супоридани ҷоизаҳои озмуни «Истеъдодҳои ҷавони ИДМ» баргузор гардид. Намояндаи махсуси президенти Русия дар масъалаҳои ҳамкории байналхалқии гуманитарӣ Михаил Швидкой ба мухбири АМИТ «Ховар» гуфт, ки ҷоизаҳои озмуни мазкурро Шӯрои ҳамкории гуманитарии мамлакатҳои Иттиҳод ва Фонди байнидавлатии ҳамкории гуманитарии ИДМ таъсис додаанд. Озмуни «Истеъдодҳои ҷавони ИДМ» бори нахуст соли 2008 дар шаҳри Душанбе гузаронида шуда буд. Имсол ҷоизаҳои озмуни «Истеъдодҳои ҷавони ИДМ» ба омӯзгорони ҷавон супорида шуданд. Ҷоизаҳоро иҷрокунандаи вазифаи президенти Молдавия, раиси парлумон Михай Гимпу супорид. Мухбири АМИТ «Ховар» хабар медиҳад, ки дар байни барандагони ҷоиза намояндаи Тоҷикистон, омӯзгори забон ва адабиёти руси Литсей – интернати Президентӣ барои бачагони боистеъдод Сафаралӣ Саидов низ ҳаст.
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
Имрӯз дар шаҳри Душанбе ҳаво то 39 дараҷа гарм мешавад
Дар Бохтар бахшида ба Рӯзи Ваҳдати миллӣ ҳамоиши сиёсӣ-фарҳангӣ баргузор гардид
Дар назди Муассисаи таҳсилоти миёнаи умумии рақами 2-и шаҳри Норак бинои иловагӣ сохта мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Беш аз ду километр роҳи деҳаи Ниликони ноҳияи Рӯдакӣ мумфарш гардид
Дар ҷаласаи 45-уми Шурои идоракунандагони GCF масъалаҳои стратегии марбут ба татбиқи Созишномаи Париж баррасӣ мешаванд
Хизматрасонӣ 24/7: чӣ тавр оператори мобилӣ бо муштариён муошират менамояд
Имрӯз дар водиҳои Тоҷикистон ҳаво то 40 дараҷа гарм мешавад
ҚУРБИ АСЪОР: 1 рубли русӣ аз 0.1190 то 0.1245 сомонӣ муқаррар шудааст
Иштирокдорони Форуми XI байналмилалии «Кӯдакони Иттиҳод» дар Осорхонаи миллӣ бо таъриху тамаддуни тоҷикон шинос шуданд
Имрӯз дар шаҳри Душанбе ҳаво то 35 дараҷа гарм мешавад
