ОЗМУН ВА СИМПОЗИУМИ БАЙНАЛХАЛҚИИ «ФАЛАК» ДАР ДУШАНБЕ

                  Душанбе, 30 сентябр. (АМИТ«Ховар», Таҳмина Ғоибназарова, Бекназари Абӯбакр). — Аз 8 то 11 октябр дар Душанбе озмун ва симпозиуми байналхалқии эҷодиёти халқии «Фалак» баргузор мегардад.                  Аз дафтари матбуоти вазорати фарҳанг ба АМИТ «Ховар» хабар доданд, ки дар озмуни мазкур ҳунарпешагони ансамбли давлатии «Фалак» — и Кумитаи телевизион ва радиои ҷумҳурӣ, ҳунарпешагони Филармонияи давлатии Тоҷикистон ва дастаҳои фалаксароёни вилоятҳои Суғду Хатлон, ВМКБ ва ноҳияҳои тобеи марказ ширкат меварзанд. Моҳи август дар ҳамаи вилоятҳо ва шаҳру ноҳияҳои ҷумҳурӣ озмунҳои интихобӣ гузаронида шуданд. Ғолибони онҳо дар даври хотимавии озмуни ҷумҳуриявӣ ширкат меварзанд, ки 7 октябр гузаронида мешавад.                    Дар озмун аз Ҳиндустон, Афғонистон, Эрон, ИМА ва Русия низ меҳмонон иштирок хоҳанд кард.                   9 октябр дар доираи озмун дар мавзӯи «Назария ва таърихи санъати фалаксароӣ» симпозиум гузаронида мешавад.