ШУМОРАИ ТИФЛОНИ НАВЗОД МЕАФЗОЯД

                Душанбе, 7 сентябр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар соли ҷорӣ афзоиши бақайдгирии таваллуд дар ҳамаи минтақаҳои ҷумҳурӣ мушоҳида мешавад. Аз ҷумла дар ноҳияҳои тобеи ҷумҳурӣ бақайдгирии кӯдакони навзод 10,9 фоиз, ё ба миқдори 2 ҳазору 600 нафар кӯдак ба ҳисоб гирифта шуданд. Таваллуди кӯдакони навзод бештар дар вилояти Хатлон 10,7 фоиз ё 4,2 ҳазор нафар, вилояти Суғд 3,6 фоиз ё 900 нафар, ВМКБ 16,1 фоиз ва дар шаҳри Душанбе 3 фоиз зиёд шудааст.                 Афзоиши табиии аҳолӣ аз рӯи маълумоти пешакӣ дар моҳҳои январ – июли соли ҷорӣ нисбат ба ҳамин давраи соли 2008 10,9 фоиз ё ба 88,9 ҳазор нафар расид, ки ба ҳар 1000 нафар аҳолӣ 239 нафар рост меояд.