ЗАНОНИ КОСИБИ ТОҶИК БА ДУБАЙ МЕРАВАНД

               Душанбе, 29 сентябр. (АМИТ «Ховар», Наталя Михайлова). – Иттиҳоди миллии занони соҳибкори Тоҷикистон ғолибони озмуни занони косиби вилояти Суғдро муайян намуд, ки дар намоишгоҳи байналхалқии занони косиб дар шаҳри Дубайи Аморатҳои Муттаҳидаи Араб иштирок хоҳанд кард.                Дар натиҷаи озмун занони косиб аз ноҳияҳои Истаравшан, Исфара, Конибодом ва Хуҷанд – Мунира Оқилова, Фароғат Абдуллоева, Мунира Зокирова, Салима Каримова, Гулрухсор Умарова ва Инобат Мӯъминова барои иштирок дар намоишгоҳ интихоб карда шуданд.                Намоишгоҳи Дубай дар доираи барномаи Шабакаи минтақавии ҳамкории созмонҳои ғайриҳукуматии занони Осиёи Марказӣ баргузор мегардад. Дар намоишгоҳ ғайр аз намояндагони Тоҷикистон занони косиби Афғонистон ва Покистон низ иштирок хоҳанд кард.