БАРТ: – 17 МЛН. ДОЛЛАР БАРОИ СИСТЕМАИ ОБТАЪМИНКУНИИ СУҒД
Душанбе, 1 октябр. (АМИТ «Ховар», Бекназари Абӯбакр). — Дар назар аст, ки барои таҷдиди системаи обтаъминкунии шаҳру ноҳияҳои Бобоҷон Ғафуров, Чкалов, Исфара, Табошар, Қайроққум ва Конибодоми вилояти Суғд аз ҷониби Бонки аврупоии рушд ва таҷдид (БАРТ) қариб 17 миллион доллари ИМА маблағгузорӣ шавад. Ин нуқта дар мулоқоти раиси вилояти Суғд Қоҳир Расулзода бо намояндаи Бонки аврупоии рушд ва таҷдид хонум Катарина Бёрлин Хансен зикр гардид. Намояндаи бонки мазкур хонум Катарина Бёрлен Хансен изҳор дошт, ки ҳадаф аз омода кардани лоиҳаи мазкур аз лиҳози техникиву иқтисодӣ беҳтар намудани таъминоти об ва барқарор намудани системаи обтаъмикунӣ буда, он аз ҷониби Бонки аврупоии рушд ва таҷдид дастгирӣ хоҳад ёфт. Раиси вилояти Суғд Қоҳир Расулзода таъкид намуд, ки мақомоти иҷроияи ҳокимияти давлатии вилояти Суғд ва сохторҳои марбутаи он омода аст, ки дар тадбиқи ин лоиҳа ҳамаҷониба мусоидат кунанд. Дар ҷараёни мулоқот ҷонибҳо инчунин оид ба густариши ҳамкориҳо, вусъат додани равобит дар ҳамаи соҳаҳо, таҳкими муносибатҳо ва дигар мавзӯъҳои мавриди таваҷҷӯҳ мубодилаи афкор намуданд.
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
