ФОҶИАЕ, КИ КАСЕ ИНТИЗОРАШ НАБУД

                 Душанбе, 30 октябр. (АМИТ «Ховар», Жасмин Назарова). — Рӯзи 28 октябр дар шаҳри Хуҷанд як садамаи нақлиётии марговар ба қайд гирифта шуд.                  Тавре ба хабарнигори АМИТ «Ховар» сардори дафтари матбуоти раёсати корҳои дохилии вилояти Суғд Фирӯз Боқӣ иттилоъ дод, ронандаи автомашинаи тамғаи «Даймер-Бенс» таҳти идораи Саид Саидови 30 сола, истиқоматкунандаи шаҳри Хуҷандро, ки дар ҳолати мастӣ ҳангоми ҳаракат дар кӯчаи Гулбаҳори шаҳри Хуҷанд, пиёдагарди 19 сола Имом Кибриев, ки истиқоматкунандаи шаҳри Истаравшан мебошад, пахш мекунад. Ронанда ҳаракати худро давом дода аз ӯҳдаи боздоштани автомашина набаромада ба қафои автомашинаи «ИЖ — 2715» бархӯрдааст.                  Дар натиҷа пиёдагард И. Кибриев дар ҷои ҳодиса ба ҳалокат мерасад. Ронанда аз гирифтани ҷароҳати вазнини ҷисмонӣ ба беморхона бистарӣ мешавад.