ВАЛИАҲД ОҒОХОНИ 1У БА ТОҶИКИСТОН МЕОЯД

                  Душанбе, 1 октябр. (АМИТ «Ховар», Покиза Маҳмадбекова ). – Валиаҳд Оғохони 1У 9 октябр барои боздиди серӯза ба Душанбе ташриф меорад.                   Аз раёсати иттилооти вазорати корҳои хориҷӣ ба АМИТ «Ховар» хабар доданд, ки меҳмони олиқадр зимни сафар бо вазири корҳои хориҷии Ҷумҳурии Тоҷикистон Ҳамрохон Зарифӣ мулоқот анҷом хоҳад дод.                  Инчунин Оғохони 1У, тибқи нақша дар маросими ба истифода додани Маркази исмоилиён дар Душанбе ширкат хоҳад варзид. Оғохони 1У баъдан ба Вилояти Мухтори Кӯҳистони Бадахшон рафта, бо роҳбарияти мақомоти иҷроияи ҳокимияти маҳаллии он мулоқот хоҳад кард.