ДАР МАВСИМИ НАВ БО «РУСТАМ ВА СӮҲРОБ» — И КӮҲАН

                Душанбе, 12 ноябр. (АМИТ «Ховар», Таҳмина Ғоибназарова). — Имрӯз мавсими 39 –уми театрии Театри давлатии ҷавонон ба номи Маҳмудҷон Воҳидов бо намоишномаи «Рустам ва Сӯҳроб» дар таҳияи коргардон Султон Усмонов кушода мешавад.                 Намоишномаи мазкур ҳанӯз моҳи январи соли ҷорӣ дар Фестивали театрии Теҳрон ба гирифтани шоҳҷоизаи ин Фестивали байналмилалӣ мушараф гашта буд.                 Тавре директори театр Саид Абдуллоев ба АМИТ «Ховар» итилоъ дод, ҳайати эҷодии театр аз 24 октябр бо намоишномаи «Рустам ва Сӯҳроб» дар Ҷумҳурии Исломии Эрон қарор дошт. «Ҳангоми сафари эҷодӣ ба ҳайати театр аз дигар кишварҳои Шарқ даъватнома барои баргузории намоишнома пешниҳод гардид. Бинобар ҳамин мо қарор додем мавсими навро бо ин намоишномаи дӯстдоштаи тамошобинон оғоз намоем», — гуфт С.Абдуллоев.