ДОНИШИ КОРМАНДОНИАНДОЗРО МЕСАНҶАНД

                  Душанбе, 3 ноябр. (АМИТ «Ховар», Фарангис Раҳимова). — Имрӯз 3 ноябр дар Кумитаи андози Ҳукумати ҶТ, оид ба андоз аз даромади шахсони воқеӣ, резидент, ғайри резидент ситонидани андоз аз мансабҳои пардохт, тартиби татбиқи шартномаҳои байналхалқӣ семинар-машварати серӯза оғоз ёфт.                  Тавре ба АМИТ «Ховар» аз хадамоти Кумитаи андоз иттилоъ доданд, бо мақсади баланд бардоштани дониши кормандони мақомоти андози шаҳру навоҳии мамлакат оид ба андоз аз арзиши иловашуда чунин чорабинӣ гузаронида мешавад.                    «Дар он асосан оид ба муайян намудани сатҳи дониши назариявиву амалии кормандони мақомоти андоз оид ба то чӣ андоза донистани амру фармонҳои Президенти ҶТ ва Ҳукумати ҶТ, санадҳои меъёрию ҳуқуқӣ, муқаррароти Кодекси андоз, ва дигар масъалаҳо вобаста ба фаъолияти кормандони мақомоти андози мамлакат мубодилаи афкор сурат мегирад», иттилоъ дод манбаъ.                      Семинар-машварат дар доираи Лоиҳаи Бонки умумиҷаҳонии Рушд гузаронида мешавад.