КӢ БА КАДОМ ВАЗИФА ТАЪИН ШУД?

                  Душанбе, 18 ноябр. (АМИТ «Ховар», Наталя Михайлова, Наргис Бояхмедова). — Имрӯз, 18 ноябр Додихудо Саймиддинов мувофиқи Қарори Ҳукумати Ҷумҳурии Тоҷикистон нахустин раиси Кумитаи забон ва истилоҳоти назди Ҳукумати Ҷумҳурии Тоҷикистон таъин карда шуд. Д.Саймиддинов то имрӯз раиси Кумитаи илму маориф, фарҳанг ва сиёсати ҷавонони Маҷлиси намояндагони Маҷлиси олии ҷумҳурӣ буд.Ёвари собиқи Президенти ҷумҳурӣ Саидраҳмон Назриев ва вакили Маҷлиси Намояндагон Гулчеҳра Бозорова бо қарори Ҳукумат муовинони вазири рушди иқтисод ва савдои ҷумҳурӣ таъин карда шуданд.                Абдуманнон Холиқов ва Шаҳноза Нодирова муовинони вазири адлияи ҷумҳурӣ таъин гардиданд.                   Ҳамчунин бо қарори Ҳукумати ҷумҳурӣ Абдулазиз Шарифов муовини роҳбари Раёсати сиёсати савдои Кумитаи ҳамгироии Иттиҳоди иқтисодии Евразия ва Ҳайдар Сайфиев директори муассисаи давлатии «Пажӯҳишгоҳи илмии фулузотгудозӣ» — и Корхонаи воҳиди давлатии «Ширкати алюминии Тоҷикистон» таъин карда шуданд. Хабар дода мешавад, ки А.Шарифов ва Ҳ.Сайфиев то имрӯз дар вазифаҳои мушовирони Президенти ҷумҳурӣ кор мекарданд.