КОРҲОИ СОХТМОНӢ ДАР МӮЪМИНОБОД

                 Мӯъминобод, 9 ноябр. (АМИТ «Ховар», Сулаймон Холов).-Дар ноҳияи Мӯъминобод тӯли 9 моҳи соли ҷорӣ аз ҳисоби ҳамаи манбаҳои сармоягузорӣ ба маблоғи 4 милиону 325 ҳазору 900 сомонӣ корҳои сохтмони иҷро карда шуд,- гуфт раиси ноҳияи Мӯъминобод Сафаралӣ Зокиров, дар нишасти матбуотӣ. Ба гуфтаи С. Зокиров дар ин давра корҳои сохтмону васлгарӣ ба маблағи 3920600 сомонӣ ва корҳои пудратӣ ба маблағи 2 602 600 сомонӣ ба итмом расидааст, ки нисбати ҳамин давраи соли гузашта 169 800 сомонӣ зиёд мебошад. Дар ноҳия 5 ташкилоти сохтмонӣ фаъолият дошта, дар 9 моҳи соли ҷорӣ ҷамъияти саҳомии «Гулдаст» ба маблағи 810 ҳазор сомонӣ, ҷамъияти саҳомии пӯшидаи «Ҳасанҷон» ба маблағи 418, 8 ҳазор сомонӣ , хоҷагии деҳқонии «Раҷабалӣ» ба маблағи 298,5 ҳазор сомонӣ корҳои сохтмониро ба итмом расонидаанд. Мавриди зикр аст, аз тарафи ҷамъиятҳои зикргардида сохтмони 3 мактаб, бинои шӯъбаи маориф, таъмири капиталии фабрикаи паррандапарварӣ , таъмири бинои ҳукумати ноҳия, таъмиру азнавсозии беморхонаи марказӣ ва дигар иншооти зарурӣ анҷом дода шудааст.