ЛОИҲАИ ТАЪРИХӢ

                  Душанбе, 2 ноябр (АМИТ «Ховар» — un.org.) — Кумитаи аввали Ассамблеяи генералии СММ лоиҳа оид ба дастгирии Шартномаи қатъи ҳамагуна озмоиши яроқҳои ядроиро қабул кард. Шартномаро мутахассисон таърихӣ номиданд, зеро бори аввал Шартнома аз ҷониби давлатҳои дорои яроқи ядроӣ — аъзои доимии Шӯрои амният пешниҳод карда мешавад.                   Лоиҳа бо аксари овози намояндагони давлатҳо қабул гардид. Муқобили лоиҳа танҳо Ҳиндустон ва Кореяи шимолӣ овоз доданд, давлатҳои Эрон, Исроил, Чин, Покистон ва Фаронса аз ҷараёни овоздиҳӣ даст кашиданд.                   Бояд гуфт, ки Кумитаи аввали Ассамблеяи генералӣ асосан масоили амниятро дар давлатҳои ҷаҳон баррасӣ мекунад. Лоиҳаи қабулшуда акнун дар ҷаласаҳои пленарӣ бояд тасдиқ карда шавад.