МУСОБИҚА АНҶОМ ЁФТ

                Душанбе, 18 ноябр. (АМИТ «Ховар», Пайрав Назаров). — Дар Душанбе мусобиқаи дастаҳои футболи мамлакат барои ба даст овардани ҷоми идораи ҳафтаномаи «СССР» анҷом ёфт. Дар он дастаҳои футболбозони навраси соли таваллудашон 1994 – 1995 иштирок намуданд.                  Аз Федератсияи футболи ҷумҳурӣ ба АМИТ «Ховар» хабар доданд, ки дар ин мусобиқа дастаи футболбозони Мактаби ҷумҳуриявии маҳорати олии варзишӣ ғолиб омада, ҷои аввалро ишғол намуд. Футболбозони мактаби мазкур зимни қувваозмоӣ бо дастаи «Энергетик» ғолиб омаданд. Онҳо дар ҳамаи панҷ қувваозмоӣ ғалаба ба даст оварда, ба дарвозаи ҳарифон 11 тӯб заданд.                  Мухбири АМИТ «Ховар» хабар медиҳад, ки дар ин мусобиқа ҷои дуюмро дастаи «Энергетик» ва ҷои сеюмро дастаи «Варзоб» ишғол намуданд.                  Дар мусобиқа аз шаҳру ноҳияҳои ҷумҳурӣ 8 даста ширкат варзид. Узви дастаи футболбозони Мактаби ҷумҳуриявии маҳорати олии варзишӣ Шоҳрӯз Норов бозингари беҳтарин дониста шуд. Вай дар давоми мусобиқа ба дарвозаи ҳарифон аз ҳама бештар – панҷ тӯб задааст.