ОЗМУН БАРОИ ВАО

                 Душанбе, 4 ноябр. (АМИТ «Ховар», Мавзуна Бойева).- ҶДММ «Таком» дар байни кормандони воситаҳои ахбори омма, барои хабар дар мавзӯи «Интернети мобилӣ ҳамчун муоширати байни ҳамдигарӣ» озмун эълон кард.                 Маводе, ки барои озмун пешкаш мешавад, бояд дар ВАО то 15 ноябри соли ҷорӣ чоп карда шавад. Мавод бо забонҳои русӣ, тоҷикӣ ва англисӣ буда метавонад.                 Ду нафаре, ки ғолиб мебароянд, ба шаҳри Москваи Федератсияи Русия барои пешвози соли нав аз ширкати мобилии «Beeline» роҳхат мегиранд. Барои дигар ғолибомадагон 10 телефони мобилӣ тақдим мегардад,- зикр гардид аз дафтари матбуоти ҶДММ «Таком».