ВАРЗИШГАРОНИ ТОҶИК ДАР ВЕТНАМ

                 Душанбе, 3 ноябр. (АМИТ «Ховар», Пайрав Назаров).- Маросими кушодашавии бозиҳои сеюми Осиё «Ханой-2009» дар пойтахти Ветнам шаҳри Ханой дар толорҳои пӯшида баргузор гашт.                  Дар барномаи идонаи маросим, ки дар варзишгоҳи миллии «Ми Дин» баргузор гардид, беш аз 5000 варзишгарони машҳур иштирок карданд. Баъди итмоми чорабинии ботантанаи варзишгарон аз 43 давлати Осиё ва фурӯзон кардани машъал, бозиҳои «Ханой-2009»-ро Президенти Ветнам Нгуен Мин Чет кушода эълон кард.                 Бозиҳои олимпӣ то 10 ноябр идома доранд. Беш аз 2500 варзишгарон аз 43 мамлакатҳои Осиё дар 26 намуди варзиш иштирок мекунанд.                 Инчунин дар олимпиада дастаи мунтахаби Тоҷикистон оид ба футболи хурд, ки дар бозии навбатӣ аз дастаи футболбозони Ҷопон ба ҳисоби 2: 5 мағлуб шуда буд, иштирок мекунад.