ҲУНАРМАНДОНИ ТОҶИК ДАР ҶАШНҲОИ СОЛИНАВИИ УКРАИНА

                 Душанбе, 4 декабр. (АМИТ «Ховар», Таҳмина Ғоибназарова). — Бо ташаббус ва пешниҳоди губернатори вилояти Харков Арсен Аваков ҳайати эҷодии ҳунармандони Тоҷикистон бо мақсади иштирок кардан дар чорабиниҳои солинавӣ, ба Украина сафар хоҳанд кард. Тавре ба мухбири АМИТ «Ховар» иттилоъ доданд, дастаи рақсии «Падида», сароянда Гулчеҳра Қурбонова, бародарон Олимҷон ва Алишер Солиевҳо дар ҳайати ҳунарӣ шомил мебошанд. Муҳтавои баромади идонаи ҳайати ҳунарӣ аз мусиқии эстрадии муосир, фолклор ва аносири ҳунарҳои мардумии тоҷик иборат аст.                 Губернатори вилояти Харков ҳангоми боздиди расмии хеш аз Ҷумҳурии Точикистон аз ҳунари волои сарояндагон ва раққосон мафтун шуда изҳор карда буд, ки мехоҳад барномаи консертии ҳунармандони тоҷикро дар чорабиниҳои солинавии кишвари хеш бубинад.                   Айни ҳол санъаткорон барноми бадеӣ-эҷодиро такмил медиҳанд.